Saturn Palace Resort

Положба

Хотелот се наоѓа во Лара на 15 km од аеродромот во Анталија и на 17 km од центарот на градот.

Сместување

Вкупно 337 соби.

Стандардни соби (28 m²; една спална соба со француски кревет или два единечни кревети + дополнителен кревет, едно купатило, макс.  2 + 2 лица).

Фамилијарни соби (40 m², две спални соби одвоени со врата, едно купатило, макс.4 лица).

Соба со џакузи (38 m², една спална со џакузи во собата, едно купатило, макс. 2 + 1 дете).

Делукс соба со џакузи на тераса (Terrace Jacuzzi Deluxe) (40 m², една спална соба, едно купатило, голема тераса со џакузи, макс.2 + 2 лица) 

2 соби за лица со попреченост.

Сите соби се со балкон,  купатило со када или туш, фен, централен систем за климатизација што работи според временските услови, телефон, сеф, мини бар (секојдневно се дополнува со вода, безалкохолни пијалаци и пиво), сателитска ТВ и музички канали.

Услуга

Ултра сѐ вклучено - шведска маса за појадок, доцен појадок, ручек, попладневни закуски, вечера, доцни закуски и ран појадок, чај, кафе, торти и сладолед во одредени часови, сите локални алкохолни и безалкохолни пијалаци помеѓу 10.00 – 24.00 часот се бесплатни, À la Carte рестораните се со претходна резервација и еднаш во текот на престојот.

Не се вклучени: увозни пијалаци, свежо цедени сокови, флаширани пијалаци, сите пијалаци во диско клуб, услуга во соба.

Содржини

Главен ресторан за шведска маса, À la Carte ресторани - италијански, турски, рибен, лоби бар, витамин бар, бар покрај базен и на плажа и ноќен клуб.

Не се вклучени: Доктор, перална и хемиско чистење, чување деца, интернет кафе, телефон, факс, интернет, компјутерски игри, продавници.

WI-FI интернет на јавни површини е бесплатен.

Плажа

Хотелска песочна плажа со бесплатни лежалки, чадори за сонце и крпи.

Спорт и забава

Отворен и затворен базен, детски базени, тобогани, фитнес центар, турска бања, сауна, парна соба, тениски терени, кошарка, одбојка на плажа, пинг-понг се бесплатни.

Со доплата: осветлување на тениско игралиште, опрема за тенис, часови по тенис, центар за убавина, масажа, спортови на вода, билјард и соба со игрици.

Забавни програми во текот на  денот и навечер со професионална екипа, програмата се менува на секои две недели, мини клуб за деца помеѓу 4 - 12 години со дневни и вечерни програми.