Започнете ја незаборавната авантура на Егејот од античкиот град на светлината – Солун. Уживајте во уникатниот амбиент на солунските тврдини, Византиските бањи, римската агора, Ротондата и Арката на Галилеј.

Тргнете во авантура која започнува со вкусните солунски колачи. Испловувањето е во 19:00 часот, па затоа е потребно да се пријавите на бродот два часа претходно.

Вечера. Ноќевање и ноќно крстарење за Кушадаси.

Пристигнување во Кушадаси во 13:00. Ручек.

Може да уживате во прекрасните песочни плажи на Кушадаси

Слободното време искористете го за прошетка по убавото крајбрежје, прошетка и шопинг во големата чаршија, како и дегустација на некои од локалните специјалитети.

Враќање на бродот во 18:00 часот и вечера на брод.

Ноќевање и крстарење во ноќните часови кон Крит.

Пристигнување во Крит – Ираклион во 08:00. Појадок.

Во Ираклион ќе имате можност да ги видите импозантните ѕидини од 16-от век на тврдината Кулес.

Овде може да уживате во прекрасниот брег, да ги посетите малите критски села или палатата на Кносос. Посетете го музејот и научете за првата европска цивилизација и интересните приказни за минотаурот.

Ручек.

Поаѓање од Крит во 19:00. Вечера на брод. Ноќевање и крстарење во ноќните часови кон Санторини.

Пристигнување во Санторини во 07:00. Појадок

Следува разглед на прекрасниот вулкански остров Санторини, место кое нуди совршена глетка кон бројните традиционални бели куќи и цркви со небесно сини куполи.

Во Санторини може да го искусите медитеранскиот начин на живот опуштајќи се во мирот и тишината на прекрасната островска оаза.

Ручек и вечера.

Бродот поаѓа во 00:30. Ноќевање и ноќно крстарење до Миконос.

Пристигнување во Миконос во 08:00. Појадок.

Островот Миконос мами со својата убавина, божествени слики, космополитски дух и врвен ноќен живот. Познат како „Oстров на ветровите”, препознатлив по своите бројни ветерници од 16. век.

Живописниот остров Миконос е примамлив со своите песочни плажи и кристално чистата вода.

Може да уживате во бројните музеи, кино под отворено небо, кафулиња и барови или во клубовите со целодневни забави. Зошто да не го истражите и светиот остров Делос со брод?

Ручек и вечера.

Поаѓање во 02:00 по полноќ, Ноќевање и крстарење до Милос.

Пристигнување во Милос во 09:00. Појадок.

Вулканскиот пејзаж на островот Милос го прави најегзотичен остров на Егејското Море поради неговите извонредни бои и пејзажи, бели карпести формации, зелени води, и голем број на пештери со приказни за пирати. Овде ќе уживате во најубавите плажи, кои вулканските карпи ги обоиле во црвена, розова и портокалова боја.

Ноќевање и крстарење до Атина.

Пристигнување во Атина во 07:00. Појадок.

Ова е претпоследна станица од нашата поморска авантура. Атина е еден од најфасцинантните градови во светот, град на историјата, испреплетен и создаден од митови и легенди во срцето на античка Грција.

Град препознатлив по Акрополис и Партенон.

Овде може да посетите некои од локалните театри, историски локалитети или пак да се опуштите на прекрасната градска плажа.

Ручек и вечера.

Ноќевање и крстарење до Солун.

Пристигнување во утринските часови во Солун, каде завршува ова преубаво крстарење. Испланирајте си го денот за прошетка низ Солун и средување на впечатоците во некоја локална таверна.